Працу хлебароба ўслаўляюць іх дзеці і ўнукі
Хвілінкі натхнення і добрага настрою падаравалі хлебаробам сваіх гаспадарак вучні сельскіх школ, якія завіталі да аграрыяў на зернетакі і хлебныя палеткі.
Для камбайнераў і вадзіцеляў прыемна адчуваць увагу дзяцей, а паслухаць іх пранікнёныя словы падзякі і вершаваныя радкі віншаванняў – задавальненне, якое адначасова выклікае трапяткія пачуцці. Бо менавіта маладому пакаленню прадаўжаць працоўныя традыцыі, пераймаць і назапашваць прыклады перадавога вопыту і любові да роднай зямлі.