Лепшы вядучы гульнёвых праграм
Дыпломам 3 ступені галоўнага ўпраўлення ідэалагічнай работы і па справах моладзі Гомельскага аблвыканкама адзначана загадчыца аддзела па культурна-масавай рабоце раённага Дома культуры Кацярына Патапенка.
Гэту ўзнагароду спецыяліст адваявала ў калег на абласным конкурсе сярод вядучых гульнёвых праграм «Зажигайка». Трэба сказаць, што Кацярына не толькі выдатна спраўляецца з роляй канферансье на шматлікіх вечарынах, мітынгах і канцэртных выступленнях, але і лёгка пераўвасабляецца ў тэматычных і казачных герояў. У культработніка ўдала атрымоўваюцца розныя вобразы. Каля мікрафона Кацярына імправізуе і фантазіруе, трымае візуальны кантакт з аўдыторыяй, стварае настрой і эмацыянальную афарбоўку свята. Таму прызавое месца ў абласным конкурсе – заслужаная адзнака яе таленту і прафесійнага майстэрства.