Да ўвагі чачэрскіх краязнаўцаў: ў лютым 2020 года пройдзе рэспубліканскі краязнаўчы форум
Наступны 2020 год стане завяршаючым пад знакам Года малой радзімы. У лютым плануецца правядзенне рэспубліканскага краязнаўчага форуму. Яго арганізатар – Нацыянальны гістарычны музей пры падтрымцы Міністэрстваў культуры і інфармацыі Беларусі.
Краязнаўцы, супрацоўнікі ўстаноў культуры, адукацыі, навукі i інфармацыі, студэнты, вучні, прадстаўнікі грамадскіх арганізацый абмяркуюць пытанні гісторыка-культурнай i прыроднай спадчыны, пашырэння ведаў аб краязнаўчых праектах, далучэння моладзі да гэтай работы.
Будуць падведзены вынікі конкурсу на лепшае краязнаўчае выданне за 2017 – 2019 гг., прадстаўлены прэзентацыі найбольш цікавых праектаў.
Фото из архива.