За квартай гарбаты ўшаноўвалі людзей «залатога» ўзросту
Цёплыя словы людзям сталага ўзросту выказалі намеснік старшыні райвыканкама Юлія Басаргіна і ўсе запрошаныя на вечар ушанавання ў тэрытарыяльны цэнтр сацыяльнага абслугоўвання насельніцтва.
За квартай гарбаты ў сяброўскай сардэчнай атмасферы шмат гаварылі пра гады, багаты працоўны вопыт і другую маладосць. Разам з цукеркамі і іншымі салодкімі ласункамі прыемным падарункам гасцям мерапрыемства сталі душэўныя песні ветэранскага хора «Жывіца». Усмешкі, настрой і сімвалічныя сувеніры – лепшы знак увагі тым, каму даўно за 60, але ў сэрца просіцца вясна.