ПА ГАРАЧЫХ СЛЯДАХ…
У мінулую суботу два раней судзімыя браты з Кармянскага раёна залезлі ў магазін вёскі Зялёная Паляна Меркулавіцкага сельсавета. Спрацавала аўтаматызаваная сігналізацыя, што ніколькі не спалохала злачынцаў, якія былі ў нецвярозым стане. Маладым людзям удалося вынесці два мяшкі і сумку са спіртнымі напоямі, цыгарэтамі, прадуктамі харчавання. Нарабаванае вырашылі схаваць непадалёку ў лесе, а самі з бутэлькай гарэлкі накіраваліся ў родную вёску, што ўсяго за паўтара кіламетра, да сябра. Там іх праз некалькі хвілін і затрымалі супрацоўнікі міліцыі.