ЭСТАФЕТА ПАМЯЦІ НА ЧАЧЭРШЧЫНЕ

Героіка-патрыятычная эстафета «Установа высокай культуры» працягвае сваю вандроўку па школах раёна. У суботні дзень у гонар 70-й гадавіны перамогі над нямецка-фашысцкімі захопнікамі на базе СШ№1 г.Чачэрска адбылося святочнае мерапрыемства, падчас якога сімвалічны вымпел быў перададзены ад навучальнай установы да прадстаўнікоў сярэдняй школы №2. І зноў навучэнцы і педагогі падняліся на сцэну, каб успомніць ваенныя старонкі гісторыі, чарговы раз ушанаваць дажыўшых да нашых часоў ветэранаў і памяць аб тых, хто не вярнуўся з ратных баёў. З пакалення ў пакаленне мы будзем перадаваць факел Перамогі як бясцэнны скарб нашага мірнага жыцця.