На чачэрскіх палетках – нарыхтоўка кармоў

Роўкавіцкія механізатары Мікалай Трыпуцька і Ігар Пацееў шчыравалі на палетках гаспадаркі дружным дуэтам. Вопытны аграрый больш за 20 гадоў за рулём сельскагаспадарчай тэхнікі, а Ігар трэці сезон на травах. Магутны кормаўборачны камбайн КВК-800 ва ўсім слухаецца свайго гаспадара. Хутка яго шлях праляжа праз кукурузнае поле, якую таксама з задавальненнем прымаюць на сняданак рагатыя бычкі і дойны статак. А Мікалая Іванавіча чакае хлебная ніва, наперадзе – наступны этап хлебаробчага клопату аб вялікім караваі і поўных засеках збожжавых.