Ежедневные хлопоты животновода из Ботвиново Натальи Мартынович

Каждый день жительницы Ботвиново Натальи Мартынович наполнен заботой о животных: на ферме “Ветвица” ее ждут маленькие телята в возрасте от нуля до трех месяцев.

Тест автором подготовлен на белорусском языке.

Сёння гаспадыня даглядае больш за 60 галоў маладняку. Бычкі і цялушкі, яшчэ здалёк пабачыўшы знаёмую фігуру, пачынаюць радасна рыкаць і даверліва цягнуць да жанчыны свае сімпатычныя мордачкі. У галіне жывёлагадоўлі Наталля Мікалаеўна каля 30 гадоў.
Жыццё на вёсцы – яе свядомы выбар. Чыстае паветра, жывапісныя краявіды, прыемная цішыня і шырокае зорнае неба – усё спрыяе камфортнаму і размеранаму сельскаму побыту. А работа на ферме і вынікі старанняў прыносяць задавальненне. Прыемна назіраць, як дзень за днём падрастаюць яе гадаванцы: ні многа ні мала – у сярэднім на 950 грамаў у суткі.

Тут жа працуюць жывёлаводамі яе муж Міхаіл і сын Сяргей. Калі спатрэбіцца, яны падтрымаюць і дапамогуць. А мужчынскае плячо – надзейная апора для старанных жаночых рук.

Валентина ПРАНКЕВИЧ
Фото автора