НАВАГОДНІ БАЛЬ У РАТУШЫ
Касцюміраваны святочны баль у рамках дабрачыннай навагодняй акцыі прайшоў у сценах гарадской ратушы. Жанчыны ў вячэрніх сукенках, а галантныя мужчыны ў строгіх пінжаках выглядалі нібы здані мінулых стагоддзяў.
Сюжэтна падкрэслілі атмасферу вечара і героі адрыўка з п’есы камедыі Дзяніса Фанвізіна “Недоросль”, прадстаўленую ўдзельнікамі аматарскага клуба “Графскі тэатр у Чачэрску”. Прысутныя на пэўны час вярнуліся назад у мінулае, калі ў грамадстве шырока панаваў свецкі этыкет і вяльможная абыходлівасць. Тут жа прыхільнікі харэаграфічнага майстэрства паказалі танцавальныя майстар-класы.
Таксама азартныя чачаране мелі шанец прыняць удзел у дабрачынным аўкцыёне, дзе разыгрываліся святочныя лоты і навагодняя атрыбутыка. Выручаныя сродкі будуць накіраваны на патрэбы графскага тэатра.