Карціны з бісеру чачаранкі Вольгі Жахоўскай ведаюць у Італіі
Больш за сотню вобразаў праведнікаў і ангелаў-ахоўнікаў Вольга Пятроўна вырабіла сваімі рукамі з дробнага бісеру. Імяннымі іконкамі адарыла знаёмых, калег і членаў сям’і. Асобныя аздобілі сцены пакояў у Італіі.
Чатыры гады назад жанчына загарэлася гэтым захапленнем. Зараз вышывае не толькі абразы, але кветкі і жывёл. Ёсць тут чорны кот, белы лебедзь, грацыёзныя коні. Адлюстраваны моманты сардэчных пачуццяў. Усяго налічваецца звыш 200 малюнкаў.
Сваім рукадзеллем Вольга Жахоўская заінтрыгавала і калег. Медыцынскі персанал інфекцыйнага аддзялення райбальніцы пачаў спрабаваць і адшліфоўваць свой талент у вышыўцы бісерам.
Валянціна ПРАНКЕВІЧ