Сакрэты ткацтва і стварэння сувеніраў даведаліся чачаране ў Буда-Кашалёва
Дэлегацыя работнікаў культуры Чачэршчыны наведалася да калег у Буда-Кашалёва, дзе прайшоў міжраённы семінар-практыкум і абмен вопытам па арганізацыі культурных мерапрыемстваў.
Чачаране расказалі і пра свае формы і метады далучэння дзяцей і падлеткаў да аматарскіх аб’яднанняў. Але больш глядзелі і слухалі. Пазнаёміліся з напрацоўкамі калектыва Рагінскага цэнтра народнай творчасці, назіралі за работай ткацкіх станкоў у Гусевіцы.
Чачаране былі прыемна ўражаны і крыху пазайздросцілі таму, як будакашалёўцы самі ш’юць касцюмы для артыстаў, як вырабляюць сувеніры. Наперадзе абмен вопытам з калегамі з Веткі.
В.БАГДАНОВІЧ
Фота з сацыяльнай сеткі «УКантакце».
