НАШ ЛАГЕР САМЫ ЛЕПШЫ!
Такую адзнаку далі летняму адпачынку ў аздараўленчым лагеры “Доблесць” яго ўдзельнікі. Больш за тыдзень яны знаходзіліся на базе Отарскага сацыяльнага прытулку, хадзілі ў паходы, гулялі ў спартыўныя гульні і г.д. Апошні раз яны сабраліся на ўрачыстую лінейку, дзе ім гаварылі прыемныя словы і давалі наказы інспектар інспекцыі па справах непаўналетніх райаддзела ўнутраных спраў Сяргей Герашчанка, намеснік старшыні камісіі па справах непаўналетніх Аляксандр Свежынцаў і дырэктар сацыяльнага прытулку Алена Вавілава. Бывай, летні лагер! Да новых сустрэч!