У Чачэрск прыедуць артысты Белдзяржфілармоніі
Традыцыйна штогод пры падтрымцы Дэпартамента па ліквідацыі наступстваў катастрофы на ЧАЭС Міністэрства па надзвычайных сітуацыях і Беларускага фонду міра рэалізуецца праект «Чарнобыльскі шлях – дарога жыцця».
Міжнародная сацыяльна-творчая праграма даехала і да Чачэрскага раёна. Заўтра ў раённым Доме культуры адбудзецца канцэрт з удзелам вядомых айчынных спевакоў і музыкантаў, артыстаў Белдзяржфілармоніі, маладых выканаўцаў.
Арганізатары запрашаюць на 23-ю сустрэчу з дараваннямі краіны! Аматараў народнай і эстраднай песні, прыхільнікаў роднага слова і прыгожага голасу чакаюць у 17.30 у РДК.