У Нісімкавіцкай бальніцы сястрынскага дагляду прайшла дабрачынная акцыя «Падары кнігу»
Ініцыятарамі добрай справы выступілі настаяцель храма Прэабражэння Гасподня айцец Георгій і прыхаджане. Старым людзям ахвяравалі праваслаўную і мастацкую літаратуру, сродкі гігіены, бабуль і дзядуль пачаставалі гароднінай і салодкім.
Цікавіліся здароўем, усміхнуліся адзінокім і нямоглым, і проста пагаварылі. Айцец Георгій падтрымаў духоўнымі навучаннямі, а ўдзельнікі царкоўнага гуртка «Міласэрнае сэрца» прадставілі невялікую канцэртную праграму.
В.БАГДАНОВІЧ.