Чым больш дабра, тым больш усмешак
Яшчэ за некалькі дзён да Дня сталых людзей загадчыца нісімкавіцкім ЦСДК Алена Жаркіна распачала акцыю «Зіма не за гарамі».
Да адзінокіх і адзінока пражываючых грамадзян аграгарадка пайшлі дзеці з мэтай аказаць канкрэтную дапамогу напярэдадні асенне-зімовага перыяду. Каму прывесці ў парадак агарод, некаму скласці пад дах дровы, або заклеіць вокны, ці аказаць іншую падтрымку. Першай, куды завіталі цімураўцы, была Клаўдзія Раманаўна Івашкова. Пра свае добрыя ўчынкі рабяты расказалі сябрам і тыя нават абурыліся на загадчыцу клубам: чаму маўляў, нас не паклікалі. І ўжо ў наступны раз каманда валанцёраў павялічылася. А, значыць, стала больш і дабра, і святла, і ўсмешак.
В.БАГДАНОВІЧ.
