З поля на ток і назад
Пяты год шчыруе на шырокіх вольных палетках малады вадзіцель з ААТ «Звязда» Аляксандр Казіначыкаў.
На жніве на адвозцы зерня ён займаў другое месца сярод сваіх аднагодкаў. Вынослівы МАЗ – 555142 дастаўляе на перасушку і сартыроўку да 11 тон збожжа за адзін раз. Хлопец стараецца, і гэта відаць па выніках яго дасягненняў. А за адказнасць і правільны падыход да справы – высокая адзнака кіраўніцтва гаспадаркі, пашана ад раённага начальства. За працоўны запал яго чакае і падзяка, і ўнутраны душэўны лад, і ўсведамленне да канца выкананага хлебаробскага доўгу. Спадарожнага ветру і ніякіх аварый!
