Блізіцца Масленіца
У нядзелю, 26 лютага, гарадскія і вясковыя вуліцы ажывуць вясёлымі масавымі гуляннямі – усе мы выйдзем сустракаць Масленіцу. Традыцыйна свята вясны будзе суправаджацца гульнямі, забавамі, конкурсамі і, канешне, блінамі і іншымі смачнымі пачастункамі. А мясцовыя творчыя калектывы парадуюць гучнымі песнямі і пляскамі. Не абойдуцца провады зімы без традыцыйнага спальвання сімвала марознай пары года – саламянага пудзіла.
Святочныя мерапрыемствы пачнуцца на цэнтральнай плошчы горада ў 11.00.