Веснавая сяўба на Чачэршчыне ідзе поўным ходам
Сяргей Бондараў.
Веснавая сяўба на Чачэршчыне ідзе поўным ходам. У сяльгаспрадпрыемстве «Вазнясенск» пад раннюю яравую адведзена 250 га плошчы.
На пасяўных надзелах з ячменем працуюць механізатары Аляксей Казлоў і Сяргей Бондараў. І пакуль аграрыі раўнамерна закрываюць гектары з гэтай злакавай культурай, Яўген Фядосенка і Валерый Бондараў рыхтуюць пад сяўбу новыя надзелы. Паралельна вазнясенскія хлебаробы апрацоўваюць глебу, займаюцца закрыццём вільгаці. Дзмітрый Куцапалаў уносіць на палі азотныя тукі, на падкормцы азімых заняты Аляксандр Блазуцкі.
«Сёння кожнаму ў полі хапае клопату, – дзеліцца працэсам сяльгасработ дырэктар Арцём Ярмак. – І кожны імкнецца выканаць ускладзеныя на яго абавязкі якасна, аддаючы зямлі і прафесійным турботам душу і сэрца. Гаспадарка ўскладае вялікія надзеі на людзей з багатым вопытам і на тых, хто выбраў жыццё на вёсцы. Я шчыра веру, што яны не падвядуць, бо ў іх ёсць і баявы запал, і працоўнае імкненне. А завяршыць веснавыя палявыя мы мяркуем на наступным тыдні».
Валянціна ПРАНКЕВІЧ.
Фота Ірыны МАРЧАНКА.
