Каб мова беларуская гучала: у раённай бібліятэцы прайшло мерапрыемства, прысвечанае Міжнароднаму дню роднай мовы
Для вучняў другой гарадской школы супрацоўнікі бібліятэкі падрыхтавалі насычаную праграму, каб хлапчукі і дзяўчынкі змаглі адчуць сэрцам прыгажосць, пяшчоту і мілагучнасць беларускай мовы.
Свае здольнасці рабяты праявілі ў віктарыне-практыкуме «Гавары са мной па-беларуску». Некаторых вельмі ўразіў хіт-парад навінак «Беларуская кніга – дзецям». Весела і забаўляльна прайшоў конкурс на лепшую прыказку, прымаўку і загадку.