У Чачэрскай бібліятэцы прайшоў вечар памяці паэта Васіля Карпечанкі
У бібліятэцы прайшоў вечар памяці паэта з Будзішча Васіля Карпечанкі. Нашаму земляку 7 студзеня споўнілася б 95 гадоў.
Васіль Васільевіч удзельчаў у Вялікай Айчыннай вайне, быў тройчы паранены, адзначаны ордэнамі Славы, Айчыннай вайны І ступені, медалём «За адвагу». Пасля перамогі працаваў настаўнікам у Сідаравічах, Роўкавічах, дырэктарам і намеснікам дырэктара Рэчкаўскай школы Магілёўскага раёна. Быў пазаштатным карэспандэнтам-арганізатарам Бюро прапаганды мастацкай літаратуры Саюза пісьменнікаў Беларусі па Магілёўскай вобласці. Яго вершы, байкі, гумарэскі ўбачылі свет у шматлікіх зборніках, многія былі ўключаны ў школьныя падручнікі, больш за 20 тэкстаў пакладзены на музыку.
На мерапрыемстве ганаровы грамадзянін Чачэршчыны засажэўскі паэт Міхась Болсун, які сустракаўся са славутым земляком, прачытаў некалькі вершаў Васіля Карпечанкі і пазнаёміў школьнікаў з уласнымі творамі пра родныя краявіды.
В.БАГДАНОВІЧ