Моладзь Чачэрска добраўпарадкавала крыніцу пад Замкавай гарой
Моладзь Чачэрска далучылася да рэспубліканскай дабрачыннай акцыі «Аднаўленне святынь. Крыніцы Беларусі» і добраўпарадкавала крыніцу пад Замкавай гарой.
Прыйшлі да крыніцы удзельнікі маладзёжнага руху «Добрае сэрца БРСМ», валанцёры і члены пярвічнай арганізацыі дзіцяча-юнацкай спартыўнай школы.
Людзі называюць гэту крыніцу Маланінай, кажуць, тут некалі жыла баба Малання, а каля яе хаты біў жывы выток. Ні пабудовы, ні гаспадыні ўжо няма, а празрысты струмень пульсуе з-пад зямлі. Вада тут халодная, светлая. Вось і вырашылі актывісты даць другое жыццё вытоку. Дарэчы, замяніць струхнелы крыж пагадзілася адміністрацыя спецлясгаса.
В.БАГДАНОВІЧ
