АПОШНІ СТАРТ ДА ПЕРАМОГІ
Пасля доўгіх спаборніцтваў і шматлікіх выпрабаванняў хутка стане вядомы пераможца, якога назавуць сапраўдным уладаром сяла. Завяршальны этап маладзёжнага сельскагаспадарчага праекта “Уладар сяла-5” адбудзецца 29 верасня на базе аграгарадка Матнявічы і пачнецца ў 12.00. На гэты раз гаспадыні павінны будуць прадэманстраваць свае кулінарныя здольнасці ў конкурсе прыгатавання нацыянальных беларускіх страў з бульбы і паказаць свой спрыт па яго збору. Яшчэ адзін рывок, яшчэ адна спроба і – вось яна, перамога! Усе жадаючыя могуць паназіраць за ходам гэтай цікавай відовішчнай дзеі. Калі ласка, чакаем вас!