Чачэрск сустракае свята музыкі
Творчая сустрэча з народным артыстам Беларусі, прафесарам Міхаілам Фінбергам у Ратушы пачалася з пытанняў, якія цікавілі вучняў і настаўнікаў дзіцячай школы мастацтваў.
Ганаровы госць Чачэрска ўспамінаў сваё дзяцінства, малую радзіму, дзяліўся ўражаннямі і выказваў думкі на розныя тэмы. Пасля прагучалі творы Рыхарда Вагнера, Дзмітрыя Смольскага, Дзмітрыя Лукаса, Яўгена Глебава і іншых кампазітараў у выкананні струннага квартэта і ансамбля флейтыстаў Нацыянальнага акадэмічнага канцэртнага аркестра Беларусі.
У кожнай ноце адлюстроўвалася нешта наша роднае, нацыянальнае, спрадвечнае. Гледачы дзякавалі за талент шчырымі апладысментамі і дарылі кветкі. Як расказаў Міхаіл Фінберг, аркестр штогод дае каля 100 канцэртаў, творчы калектыў надае вялікую ўвагу распаўсюджанню беларускай музыкі.
Крыху пазней адбыўся канцэрт у ККЦ «Акцябр».
