Чачэрскія сустрэчы з Міхаілам Фінбергам
Чарговае свята беларускай музыкі “Чачэрскія сустрэчы – 2019” адбудзецца ў нашым горадзе 5 красавіка. Чакаем некалькі канцэртаў.
А 13 гадзіне ў Ратушы пройдзе творчая сустрэча з народным артыстам Беларусі, прафесарам Міхаілам Фінбергам. Затым прысутных парадуе канцэрт струннага квартэту. У 15 гадзін для прыхільнікаў чароўных мелодый – выступленне вакальнага ансамбля і ансамбля трубачоў у кінаканцэртнай зале «Акцябр». Уваход вольны.
Вечар абяцае быць па-сапраўднаму гарачым. У 18 гадзін на сцэне раённага Дома культуры – зоркі беларускай эстрады, нацыянальны акадэмічны канцэртны аркестр Беларусі і сам маэстра. Кошт квітка – 7 рублёў.
Прыходзьце, не пашкадуеце!
Фота з архіва.
