У чачэрскай Ратушы прайшла ўрачыстая сустрэча жанчын з кіраўніцтвам раёна
Урачысты прыём жанчын кіраўніцтвам раёна сабраў у гарадской ратушы маладых і шматдзетных матуль, ветэранаў і тых, хто вылучыўся ў працы.
Цёплымі словамі павіншаваў прысутных напярэдадні 8 Сакавіка старшыня райвыканкама Юрый Дзеркачоў і пажадаў усім вясновага запалу, здароўя і шчасця.
Лейтматывам сустрэчы сталі сардэчныя песні і музычныя падарункі ў выкананні выхаванцаў дзіцячай школы мастацтваў, салістаў Анатоля Гурынава, Івана Яшкова, Дар’і Сувалавай, Ірыны Курдзюмавай, Галіны Дарафеевай і іншых. Настрой падымалі чуллівыя словы, чароўная мелодыя і, канешне, кветкі.