Любым матулям сардэчныя словы
Канцэртная праграма сабрала ў пятніцу ў глядзельнай зале раённага Дома культуры тых, для каго рыхтаваліся і стараліся музыканты, спевакі, чытальнікі.
Святое імя маці праслаўлялі маленькія дашкаляты, падлеткі, удзельнікі народных калектываў Чачэршчыны і асобныя вакалісты. Раз-пораз нехта падносіў да вачэй насоўку, каб употай змахнуць са шчакі слязу замілавання. Будзьце шчаслівымі, здаровымі і радаснымі, нашы залатыя, адзіныя, клапатлівыя! А каб гэты дзень здаўся больш урачыстым, актывісты БРСМ пачаставалі маладых і сталых мамачак салодкімі пачастункамі.
