Чачэрскія пчолы са сталіцы мёду фестывалілі ў Ляскавічах
У міжнародным фестывалі этнакультур у Ляскавічах прымалі ўдзел журналісты з Чачэрска.
Яны выступілі ў вобразе працавітых пячолак, расказалі аб сваім раёне, яго архітэктурных каштоўнасцях, вядомых навуковых і творчых дзеячах, прарэкламавалі раённае выданне і правялі з адпачываючымі некалькі забаў і конкурсаў на інтэлект і кемлівасць. А ў падарунак гульцы атрымалі цукеркі, памятныя сувеніры і атрымалі на памяць “Чачэрскі веснік” у рамках акцыі “Абмяняй цыгарэту на раённую газету”.