У чачэрскім музеі адбыўся вечар памяці паэта Леаніда Гаўрылава
У гісторыка-этнаграфічным музеі адбыўся вечар памяці “Шчырасць юнацкага сэрца”, прысвечаны 100-годдзю паэта Леаніда Гаўрылава, нашага слаўнага земляка, што нарадзіўся ў вёсцы Бердыж.
На мерапрыемстве гучалі пранікнёныя вершы ў выкананні ганаровага грамадзяніна Чачэрска, члена Саюза пісьменнікаў Беларусі Міхася Болсуна, паэтэссы Валянціны Пранкевіч, педагога Камуна-Ленінскай школы Тамары Івалгінай. Памяць аб Леанідзе Гаўрылаве трапятка шануюць у гэтай школе. Яе вучні таксама прынялі ўдзел у мерапрыемстве.
Супрацоўнікі раённай бібліятэкі, якія падрыхтавалі гэтае цудоўнае мерапрыемства, падрыхтавалі і зборнік вершаў Леаніда Гаўрылава, які падаравалі Міхасю Болсуну і Камуна-Ленінскай школе.
