Запрашае бібліятэка чачэрскага храма
Беларускае кнігадрукаванне самым непасрэдным чынам звязана з царкоўнай тэматыкай і адлюстроўвае духоўныя каштоўнасці народа. Храмы мудрасці – так называюць бібліятэкі. І ёсць сярод іх надзвычай унікальныя – царкоўныя. Там сабрана літаратура, пранізаная святлом і дабрынёй.
Чачэрская Спаса-Праабражэнская царква таксама прапануе чытачам шмат выданняў. У іх ліку старажытная Біблія на царкоўнаславянскай мове, «История русской церкви», апісанне жыцця святых, акафісты і інш. Ёсць дзіцячая літаратура. Бо веды, што нясуць душы прыгажосць, патрэбны ў любым узросце.
