За тысячу тон – падзяка і паклон
Чарговыя тысячнікі на жніве атрымалі падзячныя лісты ад главы раёна, падарункі прафсаюза АПК, словы ўдзячнасці ад моладзі.
Адразу некалькі экіпажаў камбайнаў і вадзіцеляў на адвозцы наведала ўчора і ўжо сёння з раніцы прадстаўнічая дэлегацыя з горада. Аб важнасці хлебаробскіх будняў і іх каштоўнасці гаварылі хутка, каб не затрымліваць працэс уборкі, але ад шчырага сэрца. Пакінулі песню, сувеніры і шлейф станоўчых пачуццяў аграрыям гаспадарак «Отар», «Батвінава», «Вазнясенскі» і «Звязда» начальнік аддзела ідэалагічнай работы, культуры і па справах моладзі райвыканкама Вадзім Крупенькін з калегамі, што палічылі сваім абавязкам аказаць увагу працавітым рукам хлебароба.
