Чачаране папрацавалі на славу
Усе калектывы Чачэршчыны ў мінулую суботу займаліся навядзеннем парадку на вытворчых тэрыторыях і на замацаваных за арганізацыямі вуліцах. Добра папрацавалі педагогі на ўборцы рова каля СШ №1, значна чысцейшым стаў гарадскі парк, пахарашэла каля мемарыяльнага помніка адселеным вёскам раёна, забялеў бардзюрны камень, пасвятлелі парапеты і лаўкі, аднавіліся малыя архітэктурныя формы. Як у горадзе, так і на вёсках адбыўся дружны марш чысціні, у якім прынялі ўдзел неабыякавыя да сваёй малой радзімы жыхары краю.
