Убачыць працу чачэрскага хлебароба
Для таго, каб даведацца, адкуль на нашы сталы прыходзіць хлеб, выхаванцы матнявіцкага яслі-сада адправіліся на экскурсію на зернеток ААТ «МатнявічыАгра». Дзеткі ўбачылі, як грузавая машына прывезла партыю збожжа і яно пачало свой складаны шлях ператварэння ў хлеб. Велізарнае захапленне ў хлопчыкаў і дзяўчынак выклікалі абсталяванне для сушкі збожжа, аўтапагрузчык, які працуе па прынцыпе канвеера. Таксама вельмі ўразілі залатыя горы зерня. У падзяку за працу дзеці расказалі работнікам зернетоку невялікія вершы пра хлеб і пажадалі ім поспеху.
Ганна Еўдакіменка.
