У ІМКНЕННІ ДА ПРЫГАЖОСЦІ
Хутка вёска Нісімкавічы набудзе статус аграгарадка. І сяльчан радуюць тыя добрыя змены, што адбываюцца зараз у іх населеным пункце. Ажыццяўляецца рамонт Дома культуры, школы, магазіна, на вуліцы Цэнтральнай усталявана новая агароджа, добраўпарадкавана зона адпачынку, дзе размясціліся малыя архітэктурныя формы і некалькі альтанак.
Работы працягваюцца. І па іх завяршэнню вёска стане па-сапраўднаму прыгожай і ўтульнай.