У АГУЛЬНУЮ СКАРБОНКУ
Продаж ураджаю, сабранага ў сельгаспрадпрыемствах раёна, у поўным разгары. Так, амаль завершана рэалізацыя насення рапсу ААТ “Витебский МЭЗ” і КВУП «Припять» (Мазыр). Усяго на згаданыя заводы паступіла каля тысячы тон рапсу. Не ўдзельнічалі ў выкананні дзяржзаказу ААТ “Чачэрскагратэхсервіс”, КСУПы “Палессе” і “Нісімкавічы”. У той жа час амаль разам з пачаткам уборкі зерневых пачалася і рэалізацыя збожжа дзяржаве. Усяго план яе складае 5570 тон. Да выканання заказу прыступілі ўсе сельгаспрадпрыемствы. Да 7 жніўня рэалізавана дзяржаве 1370 тон збожжа, што складае амаль 25 працэнтаў ад плана. Штодзень з раёна пастаўляецца больш за 250 тон.