У бібліятэцы Чачэрска праходзяць выставы да Дня беларускага пісьменства
Дзень беларускага пісьменства ў гэтым годзе выпадае на 6 верасня. Канцэпцыя свята прадугледжвае адзінства друкаванага слова з гісторыяй і культурай беларускага народа.
У цэнтральнай раённай бібліятэцы з гэтай нагоды арганізавана выстава «Край, дзе сонца залаціцца мёдам» з інфармацыяй аб паэтычнай творчасці талентаў чачэрскага краю і «Роднае слова, родная мова: голас Радзімы ў стагоддзях», дзе выстаўлены друкаваныя выданні вядомых беларускіх літаратараў.
Таксама падчас Тыдня пісьменства бібліятэчныя работнікі праводзяць са школьнікамі віктарыны, квэст-гульні, падарожжы ў свет кнігі.
Традыцыйна ў краіне Дзень беларускага пісьменства праходзіць у гарадах з багатай гістарычнай спадчынай, даўніх цэнтрах асветы, культуры і кнігадрукавання. У гэтым годзе свята кнігі і слова пройдзе ў Бялынічах.
В. БАГДАНОВІЧ