Чачэрскія спявачкі сталі дыпламантамі конкурсу «Не старэюць душой ветэраны»
Чачэрскія спявачкі Валянціна Буланава і Людміла Трубачэнка атрымалі Дыплом 2 ступені на рэспубліканскім фестывалі народнай творчасці ветэранскіх калектываў «Не старэюць душой ветэраны». У конкурсе прымалі удзел тыя, каму за 50.
Фестываль быў прысвечаны 75-годдзю Вялікай Перамогі. Жанчыны выйшлі на сцэну мазырскай установы культуры з песняй Надзеі Кадышавай «Уходи, горе». У падарунак канкурсанткі атрымалі мікрахвалевую печ.
Ганаровымі граматамі адзначаны таксама Вера Дзем’яновіч і Галіна Дарафеева.
В.БАГДАНОВІЧ