ЗАМЯТАЕ ЗІМА, ЗАМЯТАЕ…

Тэрыторыя гарадскога рынка часта аказваецца нічэйнай, калі паўстае пытанне ачысткі ад снегу. Тэхніка КЖУП “Чачэрскае” пасля густога снегападу “прабегла” з раніцы ў аўторак, аднак замест праторанай сцяжынкі ўтварыліся непраходныя гурбы. Хто павінен сачыць тут за парадкам? Заяўкі перыядычна паступаюць у дыспетчарскую службу камунальнай службы, але не заўсёды выконваюцца дастаткова. Вось і даводзіцца насельніцтву раёна пераадольваць прыродныя перашкоды з вялікімі нязручнасцямі. Таго і глядзі – неўнацей звалішся ў сумёт. Да гэтага часу дадзены аб”ект гандлю застаецца «сіратой» – ад яго добраўпарадкавання ўласнік адмахваўся і раней, да канца не наладжаны належны гаспадарскі падыход і сёння.