СУСТРАКАЙЦЕ “АЎТАКЛУБ”
Чарговая сустрэча ўдзельнікаў “Аўтаклуба” з жыхарамі малых населеных пунктаў раёна адбылася ў вёсцы Старыя Малынічы і пасёлку Міхайлаўскі Ленінскага сельскага Савета. Сяльчане пазнаёміліся з апошнімі навінамі краіны, раёна. З канцэртнай праграмай выступілі артысты мастацкай самадзейнасці Залескага ККЦ. Усяго ў раёне, пачынаючы з чэрвеня, адбылося 15 падобных сустрэч. На наступным тыдні “Аўтаклуб” завітае да жыхароў весак Калініна і Барсукі Палескага сельсавета.
