Культурную літаратурную акцыю «Чытаем услых, чытаем разам вершы Янкі Купалы», прымеркаваную да 135-годдзя нараджэння вядомага беларускага пісьменніка, з адчувальным азартам і пазітывам прынялі юныя чытачы раённай цэнтральнай бібліятэкі.

Апрануўшыся ў касцюмы традыцыйнага народнага строю, прыхапіўшы з сабой зборнік твораў знакамітага класіка, хлопчыкі і дзяўчынкі рушылі на ўлонне прыроды, знаходзячы ў наваколлі тое, што апісваў некалі паэт у рыфмаваных радках: дарога, рамонак, аблокі, дуб, рэчка, ліпавая квецень… Адшукаўшы неабходнае, рабілі кароткачасовы прыпынак, каб знайсці на старонках зборніка вершы тэматычнай накіраванасці. Рабятам так спадабаўся гэты экскурс у свет мастацтва, што яны да самага змяркання блукалі па пагорках і лугавінах за ваколіцай горада, усхваляючы хараство прыроды і праслаўляючы паэтычны талент народнага генія .

20170706_151951 20170706_130152 20170706_130114 20170706_125948 20170706_125210 20170706_123856

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.